影片
更多
2016-10-06
1437 瀏覽
做完瑜珈好肚餓，經過見到裝修以木質為主想必坐落舒服食得骨落。進門第一件事就係放下幾兩，奈何走完全場發現咁大間餐廳係無法如廁，小解也要付上腳骨力移玉步外街爬行一條長樓梯，若有指示會更好。龍蝦汁焗扇貝龍蝦汁上少少芝士以為可瞞天過海, 掩蓋扇貝唔夠新鮮&縮水的核心價值。龍蝦汁與扇貝肉割席, 缺乏味道交流, 感覺48蚊1隻俾得有點咬牙切齒。魚湯菠菜 魚湯沒有魚味，樂觀睇清湯冇咁咸， 杞子乾游咁耐湯水都係皺皮，似未有熱身。菠菜爽口不會過老，中規中矩。鯖魚定食鯖魚許配一個靚仔，外加麵豉湯作妾，食落難怪幾滑口，魚比想像中大條，調味剛剛好，不點豉油也夠味道。和風煎軟骨餃子餃子一般， 餃子皮薄軟身， 一咬豬肉汁標出來，好熱有d剌嘴。 沒有軟骨反而是豬肉碎， 調味不過不失。服務態度很好，但不夠經驗，連續兩個侍應走過來企圖要收走我碗菠菜，但好明顯我未食完
進門第一件事就係放下幾兩，奈何走完全場發現咁大間餐廳係無法如廁，
小解也要付上腳骨力移玉步外街爬行一條長樓梯，若有指示會更好。
龍蝦汁焗扇貝
龍蝦汁上少少芝士以為可瞞天過海, 掩蓋扇貝唔夠新鮮&縮水的核心價值。龍蝦汁與扇貝肉割席, 缺乏味道交流, 感覺48蚊1隻俾得有點咬牙切齒。
魚湯菠菜
魚湯沒有魚味，樂觀睇清湯冇咁咸， 杞子乾游咁耐湯水都係皺皮，似未有熱身。菠菜爽口不會過老，中規中矩。
鯖魚定食
鯖魚許配一個靚仔，外加麵豉湯作妾，食落難怪幾滑口，魚比想像中大條，調味剛剛好，不點豉油也夠味道。
和風煎軟骨餃子
餃子一般， 餃子皮薄軟身， 一咬豬肉汁標出來，好熱有d剌嘴。 沒有軟骨反而是豬肉碎， 調味不過不失。
服務態度很好，但不夠經驗，連續兩個侍應走過來企圖要收走我碗菠菜，但好明顯我未食完
張貼
