Breaks

營業中

休息中

我地依 Group 大埔 After 5 友都非常少離開大埔，難得齊齊出城聚會，飲杯 ﹗琴晚大醉 ﹗Hangover 到晏晝都暈暈下，瞓到七點幾先爬到起身梳流出門口乍。今晚第一次去 Breaks 就要打賽，哈哈 ﹗真係靠運氣多過技術喇 ﹗Hangover 左十幾個鐘，飲兩杯回魂黑啤都幫助唔大，要出戰喇 ﹗大鑊 ﹗第一次掂張枱非常唔習慣，白波高速移動，我今日仲要狀態勁差，hangover 加手風麻麻，危險 ﹗係正常狀能下無可能打得咁辛苦，個肥仔又唔勁，係我今晚完全打唔到水準囉，入球好靚，但經常撻死白波，黑氣纏身 ﹗苦戰 ﹗破唔到地獄，烏雲蓋頂、黑氣纏身 ﹗不停地撻死，苦戰下落敗 ﹗肥仔您主場，您係勁既，下次無咁好采架喇 ﹗話晒都係上年過氣亞軍，哈哈。黑啤，唔記得叫咩名添，味道同健力士差不多，味道都好清爽甘甜。滷水雞中翼，味道非常之濁而濃，肉質浸到又腍又霉，劣 ﹗飲醉酒佳品，醉左唔知食緊咩係最好食既 ﹗Breaks 內外都係一間好統統既外國酒吧，但供應港式小食，炒粉麵飯、滷水肉食、即食湯麵，勁格格不入 ﹗有張大波枱免費娛樂，有電視睇、有歌聽，過得去啦，免強坐得舒服既，枱櫈堆埋一齊，好有壓迫