L' Tea Room (已結業)

幾個女子想傾吓計嘆吓tea, 就嚟試吓 L'tea, 走上窄窄的舊式樓梯，進入到英式 high-tea之地。侍應招乎我哋坐低，遞上Menu, 提意我哋先叫杯花茶幾人分享一下，於是選了『玫瑰花紅茶』，很香很有茶味，旁邊的曲奇餅很好食，牛油味非常濃香，配上淡淡玫瑰茶茶，很搭配。然後開始品嚐tea set，最低層的煙三文魚牛角飽，牛角飽算鬆軟，煙三文魚夠凍味道足。另一款迷你多士，上有簿簿青瓜和凍蝦，蝦都幾夠爽，呢款多士食落清清地。另一款較近賞嘅係沙律蛋tart, tart皮係牛油皮，內裡裝滿沙律雞蛋，幾夠香，味道唔錯。至於parma ham 就比較一般。中層有焦糖燉蛋和朱古力mouse, 焦糖燉蛋真的有蛋香味，不過稍嫌温度不夠冷，至於朱古力mouse面層舖面的是帶酸的醬，所以食落是酸酸甜甜的口味。最高層有士多啤梨tart 同cup cake, 士多啤梨tart可以，士多啤梨都算新鮮。而cup-cake應該係最差嗰件餅，可以話有點難食，蛋糕不鬆軟，好乾，無蛋糕香味 最後試咗cappuccino, 咖啡都幾香，不過唔係即磨，應該係capusule咖啡。