The Chippy (耀華街) (已結業)

放工同同事喺銅鑼灣搵食，行過呢間英倫風餐廳，有炸魚薯條又波睇，就去chill 下～炸原條冰島鱈魚薯條/沙律有10oz同5oz揀，加多10蚊就可以有炸冰島比目魚薯條/沙律！想試少少嘅又可以揀兩件或者四件炸魚配薯條，都幾flexible!我哋點咗10安士冰島鱈魚薯條，真係份量十足，而且魚塊有厚度，仲keep到魚肉唔乾，新鮮炸起熱辣辣，食落外脆內軟，點埋醬汁好快就K.O咗～點個All Steak Pie試下， 一切開好多肉汁，而且批底酥脆，見到一層層酥皮有空氣感～再加條炸熱狗腸，薄脆外皮令人食落更加滋味！