影片
更多
2023-11-08
1635 瀏覽
🔸 high tea set $338 for two呢個係一個高級英式下午茶餐，在Deer每日下午2點半至4點半都可以食到。餐廳好搞嘢，用一個雀籠好優雅咁樣裝曬以下所有下午茶糕點小食上枱，因為喺二人餐，每樣食品都係有兩件：明太子蟹肉酥盒 baked mentaiko and Crab meat Volauvent整個酥盒可以一啖入口，咬落去鹹鹹地，好香脆，有海水鹹味嘅蟹肉，微微地鹹，幾好味。刁草蝦脆薯船 hash browns with shrimp in daill sauce炸薯餅上面放咗一堆鮮蝦粒，晶瑩剔透好爽滑，脆薯餅跟蝦粒完美配合一起，口感同味道一流。水牛城雞翼 Buffalo chicken wing雞翼就唔算大隻，喺成份茶餐咁多樣嘢裏面唯一暖暖地嘅。 雞翼醃得好透，似乎落咗啲黃薑，甜甜辣辣，相當好味。法式焗田螺 baked escargot焗田螺就幾惹味， 用咗啲香草醬汁將螺肉焗熟，味道酸酸咸咸，碟下面舖咗啲薯蓉。黑松露蛋沙律手指治 black truffle and egg salad finger sandwich暗灰色嘅麵包條夾住啲黑松露蛋白沙律，呢個三文治好有黑
呢個係一個高級英式下午茶餐，在Deer每日下午2點半至4點半都可以食到。
餐廳好搞嘢，用一個雀籠好優雅咁樣裝曬以下所有下午茶糕點小食上枱，因為喺二人餐，每樣食品都係有兩件：
明太子蟹肉酥盒 baked mentaiko and Crab meat Volauvent
整個酥盒可以一啖入口，咬落去鹹鹹地，好香脆，有海水鹹味嘅蟹肉，微微地鹹，幾好味。
刁草蝦脆薯船 hash browns with shrimp in daill sauce
炸薯餅上面放咗一堆鮮蝦粒，晶瑩剔透好爽滑，脆薯餅跟蝦粒完美配合一起，口感同味道一流。
水牛城雞翼 Buffalo chicken wing
雞翼就唔算大隻，喺成份茶餐咁多樣嘢裏面唯一暖暖地嘅。 雞翼醃得好透，似乎落咗啲黃薑，甜甜辣辣，相當好味。
法式焗田螺 baked escargot
焗田螺就幾惹味， 用咗啲香草醬汁將螺肉焗熟，味道酸酸咸咸，碟下面舖咗啲薯蓉。
黑松露蛋沙律手指治 black truffle and egg salad finger sandwich
暗灰色嘅麵包條夾住啲黑松露蛋白沙律，呢個三文治好有黑松露味，做得比較有特色。
煙三文魚花卷 smoke salmon with sour cream canapes
煙三文魚捲起放咗喺一塊小薄餅上面，配搭起上嚟，口感軟硬混合，好有三文魚煙燻香味。
朱古力松露蛋糕 chocolate truffle cake
方形一枚造型精緻，插咗一片蝴蝶卡紙裝飾，味道喺有好濃嘅朱古力拖肥味道，但松露味就唔喺好出。
迷你芝士蛋糕 mini cheesecake
芝士蛋糕就喺方形一塊，上面有一點 cream， 食落唔會好膩，好有芝士咸香味。
日式蛋捲 Japanese cake Roll
細細一碌蛋捲，做得好靚，蛋捲裏面捲住啲cream，有好濃厚香草芳香味，好食。
水果班戟 mini pancake with fruit
細細一片班戟有幾粒鮮芒果粒喺上面，仲有一啲cream調和。
木糠布甸 mini Serradura pudding
用個杯仔裝住布甸，食落好滑流，啲木糠其實係 一啲白朱古力碎， 唔會太甜。
馬卡龍 macaron
喺一個硬幣咁大嘅鬆餅，夠曬甜， 一口一個甜到入心。
以上12款各色西餅美食，畀你可以一次過試齊甜酸咸辣各樣味道🤪
味道：8/10
性價比：7/10
🔸 龍眼樂園花茶 （壺） $48 （跟餐贈送）
一人一壺花茶，喺用個玻璃壺浸住花茶茶包，放係燭火上暖 ， 滲出好濃嘅陣陣芬芳，感覺優雅。
🔸 療癒花園花茶 （壺） $48 （跟餐贈送）
花茶茶包下面有一大片檸檬，所以 原本仲以為 係熱檸茶味，由於啲茶係要用來伴住甜品享用，所以基本上都係淡口嘅，有清幽嘅香氣，完全唔係紅茶味， 飲落都幾特別， 清清淡淡愛嚟送啲甜品就相當合適。
張貼
