愛茶 (已結業)

今日辦完年貨想飲杯熱嘢，經過見到依間舖係英記茶莊旗下嘅新創茶飲店，見咁特別就一於試下用中式茶做茶底嘅飲品味道係如何。純茶方便除咗鐵觀音、烏龍及香片等比較普遍嘅茶外，仲有一般茶飲店無嘅六安，壽眉及龍井。普洱味好濃好香，奶味不重所以飲到普洱嘅香味。另外珍珠有黑糖味，口感煙韌。整體甜味適中，入口順滑，味道不錯。生薑味特濃但不會太辣，同樣地普洱味濃，入口有淡淡玫瑰香味及甜味。入口三種味都出到嚟，特別個生薑飲完成個人暖曬。整體味道有驚喜。