影片
更多
2017-08-11
120 瀏覽
六時左右的蘭桂坊, 夏季的太陽, 還忙碌忙碌著... 未放得工, 舊同事吹水, 搵間有得食, 又有得飲既中低消費店, 最好選擇, 都係樓上店, 租金平, 物價也自然向下調吧.....內街的中間位置, 微微翻新過吓的舊式商業大廈, 被店名吸引..., 狗毛...?? 英文是 Hair of the dog..., 這個英文 colloquial expression, 當然唔係講緊... 隻狗條毛啦.... 哈哈哈哈..., 古代人被狗咬, 會拔那咬人的狗毛, 放在傷口治理..., 至於... 如此點樣轉化成... 飲酒解縮醉? 就真係要問一問維基專家喇...門口看一看餐牌, 舊同事認為... 唔貴, 就一枝箭直入, 一入門口, 一張美式桌球檯, 唔知使唔使比錢先可以玩..., 今日好熱, 周身又濕又立..., 無大興趣打波, 最好即時來一杯透心涼既啤酒....坐了最入的梳化卡位, 張木檯好厚, 屋企剛剛裝修, 就係想買張如此厚身的實木餐檯, 一齊研究咗一輪...天氣咁熱, 唔使教, 都應該知道... 點樣消暑吧, 1664 Blanc, 真係果香味最重的選擇, 歡樂時光的優惠, 只
六時左右的蘭桂坊, 夏季的太陽, 還忙碌忙碌著... 未放得工, 舊同事吹水, 搵間有得食, 又有得飲既中低消費店, 最好選擇, 都係樓上店, 租金平, 物價也自然向下調吧.....
內街的中間位置, 微微翻新過吓的舊式商業大廈, 被店名吸引..., 狗毛...?? 英文是 Hair of the dog..., 這個英文 colloquial expression, 當然唔係講緊... 隻狗條毛啦.... 哈哈哈哈..., 古代人被狗咬, 會拔那咬人的狗毛, 放在傷口治理..., 至於... 如此點樣轉化成... 飲酒解縮醉? 就真係要問一問維基專家喇...
門口看一看餐牌, 舊同事認為... 唔貴, 就一枝箭直入, 一入門口, 一張美式桌球檯, 唔知使唔使比錢先可以玩..., 今日好熱, 周身又濕又立..., 無大興趣打波, 最好即時來一杯透心涼既啤酒....
坐了最入的梳化卡位, 張木檯好厚, 屋企剛剛裝修, 就係想買張如此厚身的實木餐檯, 一齊研究咗一輪...
天氣咁熱, 唔使教, 都應該知道... 點樣消暑吧, 1664 Blanc, 真係果香味最重的選擇, 歡樂時光的優惠, 只需 $61, 比地面街鋪平了20-30%...
舊同事的 Pussyfoot $59, 屬於Mocktail, 這是唯一在歡樂時光 沒有優惠的飲品, 看餐牌, Wine, Beer, Vodka, Cognac, Whiskey, Cocktail 等... 都有Happy hours discount, 但就係 Mocktail 無..., 好特別的無酒精安排...., 店主好唔想閣下唔飲酒...., 哈哈哈.. 
電子計分飛鏢靶, 細細個已經睇朱江做果套小李飛刀, 即係星爺係"唐伯虎點秋香"裡面講果位呢..., 睇過"唐伯虎點秋香", 先知道, 原來小李的飛刀技術咁叻, 皆因係小李的媽媽自小就傳授飛刀技法給小李..., 現代社會, 飛刀太危險了..., 飛鏢就安全好多..., 重要係"電子"添... 哈哈哈哈..
唔好問我..., 我無興趣....
沙嗲串燒 $88, 六串, 唔使問阿貴, 醒目如你, 一定知道, 必然係... 豬、牛、雞三款吧..., 三款肉質都滿意, 尤其是牛肉, 不似一般街外的醃得過火, 仍保留了牛肉粗糙的口感, 沙嗲醬, 屬於偏甜無辣口味, 雖然唔啱我愛辣之人, 但就啱晒怕辣的女同事. 
青木瓜沙律 $88, 木瓜絲切得比一般店的較幼身, 聽店員講, 這是屬於小辣, 但好奇怪, 味道愈食愈辣, 吃第三口時, 感覺是中辣以上, 女同事吃了兩口後, 最後由我包辨晒...
大蝦金邊粉 $148, 可能與加了大蝦關係, 相比起炒飯的價格略為高, 但炒粉絕對有水準, 用蛋網包裹著炒起的金邊粉, 手工好, 賣相不俗. 
炒金邊粉, Pad Thai, 都算是香港人最愛的一款泰式炒河, 味道特別, 有齊酸甜香辣, 如果嫌其中一味不夠重, 師傅已經照足泰式做法, 另加辣粉和沙糖, 作補給調味, 要加多少, 適隨專便. 這味Pad Thai, 炒得夠乾身, 感覺十分爽口.
張貼
