影片
更多
2010-01-16
23 瀏覽
16-1-2010灣仔 patisserie 選擇少得離譜 (我當然知星街有 Epoch, 但食得多唔係唔厭呀嘛?), 知道修頓附近開了呢間店, 摸過無數次門釘後今日終於見佢開門喇! 對 cupcakes 無興趣, 2 人只叫了兩款 tart 加一杯飲品, 不過整體味道麻麻哋:Chocolate hazelnut tart ($28): tart 底硬硬實實, 用鐵叉「拮」都有 d 難度 , 食落質感就唔脆又唔鬆化, 而味道就基本上係無的, 遑論牛油香了 餡料係 "truffle" 質地, 幾滑溜, 味道勁似 Nutella, 但甜味有點假, 感覺怪怪的, 唔喜歡. 朋友作為「朱古力魔」, 就直程食到「miu 嘴 miu 舌」...Banana custard tart ($28): tart 底如上, 一樣唔掂; custard 幾嚡, 無 vanilla 香又無蛋香, 面頭的 banana 就係酸的, 唔好食 而朋友則覺得呢個比 chocolate tart 好...? 飲品係 hot chocolate (好似 $34): 面頭勁多奶泡及氣泡, 飲落奶味較重, 朱
灣仔 patisserie 選擇少得離譜 (我當然知星街有 Epoch, 但食得多唔係唔厭呀嘛?), 知道修頓附近開了呢間店, 摸過無數次門釘後今日終於見佢開門喇!
對 cupcakes 無興趣, 2 人只叫了兩款 tart 加一杯飲品, 不過整體味道麻麻哋:
Chocolate hazelnut tart ($28): tart 底硬硬實實, 用鐵叉「拮」都有 d 難度 , 食落質感就唔脆又唔鬆化, 而味道就基本上係無的, 遑論牛油香了 餡料係 "truffle" 質地, 幾滑溜, 味道勁似 Nutella, 但甜味有點假, 感覺怪怪的, 唔喜歡. 朋友作為「朱古力魔」, 就直程食到「miu 嘴 miu 舌」...
Banana custard tart ($28): tart 底如上, 一樣唔掂; custard 幾嚡, 無 vanilla 香又無蛋香, 面頭的 banana 就係酸的, 唔好食 而朋友則覺得呢個比 chocolate tart 好...?
飲品係 hot chocolate (好似 $34): 面頭勁多奶泡及氣泡, 飲落奶味較重, 朱古力味就一般, 可幸唔會太甜. 唔差的一味, 但同我喺屋企用熱奶 + Van Houten 牌朱古力粉沖的味道差不多, 唔滿意.
環境幾骨緻, 店員們亦幾友善禮貌, 不過是日身後坐了大大聲的「4 個阿嬸一個墟」, 食完還是快閃好了.
連加一每人約 $50, 無興趣再來了. 唉, 灣仔幾時先會開返間好食的 patisserie / 甜品店?
張貼
