十三姨酸菜魚 (Mikiki) (已結業)

無出街食幾個月都習慣左一日三餐外賣，所以今朝循例一起身刷完牙就即刻用電話叫返個外賣，所以對於外賣都幾有經驗，今次更加更加係難忘。首先佢同我講40分鐘先到，咁我ok都預左時間。點知最後要1.5小時先到，未食已經成肚火。嘩一打開先係精彩，叫左個茄湯魚飯轉水晶粉裏面居然無魚，簡直不可理喻，我唔知係漏左定見我外賣就扮傻，有乜可能會漏左個主菜得返個粉，我要食粉我自己起屋企煮公仔麵唔好？我洗鬼等個半鐘食個粉。奉勸大家千祈唔好中伏。