大家食

營業中

休息中

今日早收工，又走到深水埗搵食，見6點鐘無乜人食，又唔使等枱及搭枱，早早地食個麵先，最多夜晚再食宵夜！見人介紹茄蛋牛肉好食，我們二人就點了一碗茄蛋牛肉手攪麵、一碗原味蘿蔔手攪麵、麻辣雞絲、一杯凍檸茶。麻辣雞絲：凍食，好惹味，辣辣地，越食越想食，停唔到口。茄蛋牛肉手攪麵：碗麵好熱，番茄好甜，好有茄香味，牛肉好好食，好香口，不過得兩三件，少左D，個麵表面似米線，但不同之處是好彈牙，好好食，果然值得一試再試！👍原味蘿蔔手攪麵：好普通，沒有特別，蘿蔔都唔算甜，不過見個湯底有肉碎及少少蝦米，未至於全味精湯。凍檸茶：茶味唔錯。可能夜晚去食，沒有中午時間有好多職員幫手，平時中午食，落單後好快就有麵，夜晚又慢又漏單，有個男人等左好耐都未黎野食，飲了少少豆漿，嬲嬲地就走了，又無比錢，職員無奈大叫都追唔到，最後cut了單，個男人真有型👍我地都等了15分鐘，不斷追單才有野食，希望大家食要有改善。