元朗冰室

營業中

休息中

今時今日香港地茶餐聽多過米舗、要從中突圍而出真係小d心力同魄力都不成。剛下班已經是晩上10點幾、肚餓要祭祭五臟廟、坐低發覺原來係貓頭鷹特價時間。。。～ 厚豬扒飯（小飯）配蓮藕餅厚豬扒份量足、不過入口帶點鬆肉粉嘅澀味、雪藏貨就必然的啦、最難頂嘅係兩片所謂嘅蓮藕餅就帶點創作意味、入口油淋淋、d 肉質又鬆鬆散散。。。蓮藕一d 都唔覺存在，與其叫免治豬肉餅比較貼切，而且肉餅面頭重有點疑似蛋漿嘅物體、天啊、咁大個仔都係第一次試到咁㨾嘅所謂蓮藕餅、真係長知識。。。食食吓問侍應唔該攞杯熱水飲飲、點知問咗第三次先有反應。。。 杯水嚟到見到面頭浮咗層薄薄嘅油係到就真係倒胃口，無計、典型香港茶記嘅服務水平。。。綜合係一間食完唔會令你有返轉頭幫襯嘅普通連鎖茶記小店。