花斑茶社 (城·點) (已結業)

夏天熱辣辣，最啱就係飲杯冰凍嘅手調飲品。行過新墟見到呢間花斑茶社，門面靚靚地，價錢又合理，就叫杯完熟蘋果冰茶同埋每日限定嘅花豹芋圓試吓。怕甜嘅我，叫咗杯紅茶底，無糖，正常冰嘅完熟蘋果冰茶。無糖茶味好出，而且無好澀嘅味道，粒粒蘋果肉甜甜地，配合無糖嘅茶底，甜度啱啱好。飲完真係好解渴，又清新，唔洗再飲水。碗花豹芋圓叫咗鮮奶底，鮮奶係明治4.3特濃鮮奶。食落去都幾滑，足料又彈牙，口感唔錯。口痕食就最啱。