慕茶 (已搬遷) 新店位置

今日行完山朋友提議去食下午茶, 諗起觀塘工廈開左好多cafe, 上網search 下見慕茶評價幾好，位置都方便就決定試下。小店空間不大，大約十零張枱，座位算是舒適。旁邊有自助茶水區，但既然呢度出名綠茶，冇理由唔試下特飲呀。Menu 有沙律、意粉、小食 、all day breakfast、甜品、飲料。朋友和我都叫左玄米茉茶奶綠，我地剛好一熱一凍。熱飲的杯子很可愛。一上枱未飲已聞到玄米味，入口充滿茶香又帶著一點豆香，感覺像加了豆漿。伯爵茶窩夫配自選雪糕2球，雪糕選了玫瑰味和蜜糖茉莉花味窩夫是屬於比較厚實的口感，不是外脆內軟那種，食落有淡淡伯爵茶香。玫瑰雪糕好好味味道很清甜，食完想encore 蜜糖茉莉雪糕味道就一般，入口有茉莉花的苦澀味，和蜜糖味不太夾。紫薯心太軟配普洱茶雪糕心太軟感覺不太夠熱，紫薯味不是太突出。雪糕茶味幾濃，但不會澀。係Facebook or instagram 打卡就每人送一球是日雪糕。今日的是藍莓雪糕。味道幾清新，沒有我最怕的藥水味。呢度的手工雪糕味道清新，沒有人工的香精味道，又不會太甜，令人回味！埋單差不多200，有點小貴。