慕茶 (已搬遷) 新店位置

出開黎觀塘，得知有間以茶為主題嘅cafe，作為一個茶嘅愛好者梗係要黎試下。店位於工廈中，不算太易揾，平日工廈中亦很靜。轉了一圈總算揾到小店，店內裝修温馨簡潔。先看看餐牌，老闆熱情送上熱茶，幾香。簡單介紹過茶款，雪糕味等，決定叫以下幾款。黑糖薑茶，薑味十分强烈，糖味不高，唔會過甜幾好飲。杭白菊綠茶，菊味好香，綠茶很濃，有點苦，建議渴半杯後加點滾水再沖泡一下。看到很多菊花呢，聽說這個可舒緩頭痛，適合上班族。玄米白茶雪糕，小小一球放在紙碗中，嚐一口，果然茶味濃，入面仲有粒粒玄米，好特別。另外還點了普洱茶雪糕，比較起來，呢款茶味無咁濃，但都好有茶香，茶味雪糕真係幾好味呢。雪糕份量有點少，下次應一人點兩球才夠口引。