京林屋 (明宮閣) (已結業)

黑蜜牛乳芭菲-表面有一球雲呢拿雪糕、焙茶啫喱同丸子，雪糕食落口感香滑，奶味都算幾香濃，加入黑蜜糖漿，黑糖嘅甜味同焙茶啫喱好夾，味道好有層次，一路食到下面仲食到有少少黑糖嘅啫喱添。焙茶芝士蛋糕 -蛋糕味道偏清淡，焙茶味道清香，再帶點淡淡的芝士味，蛋糕質地偏硬身，整體感覺好好。旁邊仲配埋一球焙茶雪糕、紅豆蓉買兩粒丸子，紅豆嘅味道香濃，味道較甜配埋味道較淡嘅雪糕，味道好夾。宇治茶冰-份量好大，要三四個人先食得晒，上層有一球抺茶雪糕， 茶味香濃再帶點奶味，同平時食開嘅好唔同，下層嘅冰底係牛奶冰，加左抺茶嘅醬汁，未到唔會過於濃，食落感覺好消暑，一路食嘅時候中間仲加入左啲小丸子同抺茶啫喱，10分抵食。