蓮香樓 (已易手) 新餐廳

好鬼熱 一點鐘想搵地方食飯去到中環， 又唔想去大家樂或者 茶餐廳， 想飲茶又驚排隊要等位， 走咗去威靈頓街嗰間 蓮香樓好奇怪 今日唔係好多人好快就搵到位， 有冇乜胃口淨係叫咗啲普洱茶飲， 我飲咗啲普洱茶有幾香喎，同普通去美心酒樓嗰啲真係好大分別， 我搭枱同左阿伯搭訕，佢 日日都去飲茶呢度大部分都係啲熟客， 佢話啲招呼就真係麻麻地， 有時啲熟客佢哋都唔會點招呼， 見到啲外國遊客就擺晒尾， 問佢點解仲成日呢佢話呢度水滾，茶又比一般啲酒樓靚點心都ok， 同埋好多都係喺度飲咗好耐熟口熟面， 唔使約好多朋友會喺度嘅， 最後我淨係叫咗碗飯同埋一碟牛肉球。