琥酌 (已搬遷) 新店位置

好耐冇出過尖沙咀，朋友介紹試呢間餐廳，初頭對樓上餐廳都冇乜特別大期望，但係食過之後估唔到價錢合理，而且食物有質素，令我非常驚喜前菜先來兩碟沙律，沙律新鮮爽脆，配埋沙律醬汁酸酸甜甜好開胃，之後我哋再叫咗一個燒茄子，本身平平無奇嘅茄子，燒過之後配埋醬汁，又健康又好味店員推介我哋叫呢個海鮮茶壺湯，之前喺日本餐廳叫過茶壺湯好貴，但係呢度價錢合理，而且湯料充足，味道仲好濃郁，冇味精超好飲牛仔骨肉質鮮嫩，咬落唔會好硬，而且唔好睇佢細細碟，一碟入邊有成五六舊，分量十足我好鍾意食串燒，燒雞肉串，點生雞蛋同埋燒汁一齊食，食唔停口。最後一碗鰻魚茶漬飯， 好大碗，大大塊鰻魚，飯淋左好好多燒汁，好香又好味，撈埋茶湯一齊食，變得味道清淡左，成個飯無咁溜，2個人share食剛剛好。今餐真係非常滿足。