影片
更多
2021-12-06
329 瀏覽
一間位於銅鑼灣白沙道都幾當紅顯眼嘅位置，好似茶室嘅Cafe，以茶道為主題有各款甜品同飲品，亦都有啲熱食例如卷餅Burger，環境亦貼切返主題有竹子場景啡白色裝修想營造出茶園嘅感覺，不過我覺得最舒服係內裏空間好大唔會好逼夾，而且我今日晏晝去嘅時候唔算好多人，靜靜地幾舒服可以慢慢坐，見到有人喺度用電腦好寫意。👓岩茶牛奶 $45 hotRock oolong latte，rock tea其實係烏龍茶嘅類別，即係其實依杯係烏龍茶牛奶，聽聞呢杯係招牌飲品，飲落去又的確幾好飲喎，淡淡烏龍茶香味當中又有奶，雖然都幾重奶味不過亦有茶香味，加埋靚靚拉花，第一次飲覺得幾特別，不過稍為有啲細杯唔夠喉🤣評分：7.5/10👓豆腐慕絲抹茶蛋糕 $55豆腐味真係好重，而且食落去嘅質感偏濕潤都係似豆腐質地反而唔太似慕絲。雖然話係抹茶蛋糕不過其實唔太明顯有抹茶味，所以覺得唔食抹茶嘅朋友都可以食到。內裏係一層抹茶蛋糕一層慕絲再一層蛋糕，最底部仲有少少紅豆粒，蛋糕整體唔太甜，賣相靚嘅正正方方白雪雪再灑上抹茶粉，不過個蛋糕size比想像中有啲細所以其實依個價錢係有少少貴。整體味道幾得意新奇不過稱吾上好出色🤣評分：7/10👓蜜
👓岩茶牛奶 $45 hot
Rock oolong latte，rock tea其實係烏龍茶嘅類別，即係其實依杯係烏龍茶牛奶，聽聞呢杯係招牌飲品，飲落去又的確幾好飲喎，淡淡烏龍茶香味當中又有奶，雖然都幾重奶味不過亦有茶香味，加埋靚靚拉花，第一次飲覺得幾特別，不過稍為有啲細杯唔夠喉🤣
評分：7.5/10
👓豆腐慕絲抹茶蛋糕 $55豆腐味真係好重，而且食落去嘅質感偏濕潤都係似豆腐質地反而唔太似慕絲。雖然話係抹茶蛋糕不過其實唔太明顯有抹茶味，所以覺得唔食抹茶嘅朋友都可以食到。內裏係一層抹茶蛋糕一層慕絲再一層蛋糕，最底部仲有少少紅豆粒，蛋糕整體唔太甜，賣相靚嘅正正方方白雪雪再灑上抹茶粉，不過個蛋糕size比想像中有啲細所以其實依個價錢係有少少貴。整體味道幾得意新奇不過稱吾上好出色🤣
評分：7/10
👓蜜糖烤雞卷餅 $78當中有青瓜三色椒絲、sour cream、芝士。聽落去餡料好似唔吸引不過其實佢個烤餅似拎去烤焗過，所以入邊餡料都係好熱，芝士溶晒好流心，青瓜本身有水份所以令餡料唔會太乾反而有濕潤感，個餅皮唔會太厚。成個卷餅本身應該係一條好長，然後一分為二，所以上碟係有兩條。有少許沙律淋上黑醋同車厘茄作為伴碟，整體都好飽肚味道唔錯價錢合理。
評分：7.5/10
張貼
