吃茶三千 (已結業)

將軍澳新都城真係 集合好多唔同品牌嘅餐廳食肆， 今日去mcl買戲飛見到這間新進駐嘅 過江龍 台式茶飲店。 疫情期間因為帶住口罩真係好少買即場飲， 連軟雪糕，沙冰都接近冇食過～見佢隔離都有姊妹台式嘅麵店， 買杯過隔離飲 順便晚飯應該ok啩～睇睇佢嘅餐牌或者架撐。。。 並非一般茶飲店， 茶嘅烘焙 ，沖調，萃茶過程。。專業到可以攞獎， 非常高品質。茶底全部都係即萃即做， 畀啲耐性等5，6 分鐘左右。有六款茶底，真難選擇。 就选佢嘅人氣之選『 國王珍珠奶茶』， 以較濃嘅鳳眉紅茶+皇家厚奶+國王珍珠沖調而成。雖然可以自選甜度多冰少冰， 不過我都相信店員 推介嘅黃金比例先！包裝設計優雅簡約， 忍唔住要同佢打卡先📷 😎茶味方面， 不會好濃好澀或者港式奶茶咁 heavy 嘅提神彈藥， 相反輕型得嚟飲到茶味嘅甘香。 雖然配嘅係皇家厚奶， 茶味唔會被搶過， 兩者平衡融合👍。 至於甜度， 來自底層嘅國王珍珠， 微微嘅黑糖甜香😋👍， 好軟熟嘅珍珠唔會趙到牙都攰～不過覺得珍珠份量稍多， 飲管正常吸，飲完奶茶仲淨返好多珍珠～朋友試的另一款也是人氣推介， 『凍頂烏龍鮮奶茶』 評價 ：茶味清香 ，奶味香濃但唔膩。