麗聲茶座 (已搬遷) 新店位置

工作中午餐，最近呢間，上次來太飽，只食到三文治，今次可以試下其他食物！比咗近廚房卡位！6個人都幾迫！餐牌選擇多，時間所限，都係叫午餐穩陣，食物好快到！清湯牛腩配白飯（$52）一碗清湯腩，份量都幾多，腩肉連筋，炆得淋身，清湯太鹹，一定要撈飯食！白蘿蔔入味無渣！可惜都係因為清湯太鹹，一般！咖哩雞球煎蛋飯（$50）同事食！份量夠！粟米南瓜汁焗龍脷意粉（$58）同事食！焗飯要等耐啲！賣相幾靚！熱檸樂煲薑（跟餐加$6）有啲唔舒服下叫嘅，薑味唔重，可樂幾甜！醒神之選！店員好爽手！好勤快！食物有好有一般！