京林屋 (明宮閣) (已結業)

自己不嬲都鐘意食抺茶甜品，咁岩朋友介紹左黎太古出名食抺茶野既京林屋試下，除左甜食外，呢到仲有熱食，最岩夜晚黎食啦！由於我地7點就到左，唔洗排隊就有得入啦，食食下就好多人，好彩早黎咋！飲品方面，由於成日食抹茶甜品，今次我地叫左焙茶牛奶同焙茶雪糕沙冰，係其他甜品店較少見到，焙茶經過焙煎後沒有了抹茶的苦澀味，入口濃濃茶香，一試就愛上！主食方面，我地叫左林屋和食料理食物及擺碟簡單而精緻，有魷魚沙律、鯖魚、卷物、蛋及漬物，每款都可品嚐一點，味道濃淡適中，配有帶點茶味的飯，份量剛剛好。京式鰻魚飯鰻魚肥美而且份量好足，有整整一條鰻魚份量，食落淡淡似，配有獨特的鰻魚汁，味道香濃食完主食，當然要叫甜品啦，呢個係竹炭蛋捲配雪糕及丸子，蛋糕鬆軟芳香，配有淡淡竹炭味，不會太甜，感覺很清新抹茶芝士蛋糕配抹茶雪糕最期待嘅抹茶甜品，芝士蛋糕味道香濃，又不會蓋過抹茶味，配上丸子、紅豆和抹茶雪糕，整個配搭很好！食完呢餐真係好滿足呀，又多了一間甜品店的選擇！