茶星人 (太安樓) (已結業)

西灣河太安樓被稱為香港士林夜市，最近入面多咗良心小店進駐，當晚行過都試咗入面幾間黃店。食到口都乾，真係要搵杯嘢飲吓。最近茶星人分店越開越多，但係都未飲過，所以就即刻去試試佢！最鍾意係茶星人個杯嘅包裝，真係好靚，最近新年好似仲有財神款杯，好得意哈哈！🥤草莓撞上番石榴第一次試飲茶星人，飽得滯又唔想飲奶，於是試咗佢哋個士多啤梨🍓mix番石榴嘅果汁🍹。兩者隻味都突出，飲得出兩隻味但又唔會好割裂，而且兩者唔會互相搶味。嗌咗少甜少冰🧊，覺得甜度剛剛好，就算我唔太飲得甜都覺得ok！