鳳凰茶苑 (已結業)

西式嘅cafe就去得多喇，但係中式嘅cafe都係第一次見(係我見識少)，而我平時鍾意飲茶多過咖啡，因為比較健康無糖，所以就約朋友去呢間茶室去嘆下茶~環境會令人聯想起係古色古香嘅茶莊，以竹藤為主嘅大自然風格，坐近窗邊，仲可望到通去尖東嘅天橋同街景，望住出面人來人往，趕頭趕命嘅人，令我感覺呢到好悠閒輕鬆，而且同西式Café一樣，呢到都有免費Wifi提供，係到過一個下晝都幾好枱上面放住各款沏茶道具，對茶道唔認識都唔洗擔心，因為職員會好樂意講解同示範，學習下中華嘅文化，同時品嚐中式茶香首先用旁邊嘅熱水壺，將熱水淋落紫砂茶壺到，呢個過程叫為暖壺，將茶壺暖至同水溫接近，之後將其他茶具都用熱水暖一暖，咁就可以避免影響到沏茶同茶香。我同友人就揀咗二人套餐(雅)，包括密雲龍大紅袍、玫瑰花茶同小食，先將茶葉倒入紫砂茶壺到，輕輕拍打壺，將茶葉都收於壺內，跟住再注入熱水，注水嘅時候，要由外至內打圈到，將每一片茶葉嘅香味都沖出黎，蓋番個蓋等一等，都未飲得住和!! 因為第一泡係唔會飲嘅，要倒咗佢，相信第一泡係為咗沖走茶葉表面嘅雜質，沖開之後，茶香會更加甘醇。沖第二泡喇，可以按自己嘅喜好，想味道較濃郁，就將茶葉浸泡