影片
更多
2023-01-03
396 瀏覽
「茶木」應該算係少數初代過江龍仍然能屹立多年，當然能夠繼續係香港哩個美食天堂立足，就一定要勇於求變，力求創新👍🏻今日放工約咗舊同事圍爐，係德福行咗一圈見到「茶木」竟然有種既熟悉又陌生嘅感覺，而且平日夜晚時間尚早仲有一張卡位就入座了。餐廳裝潢以小清新木系cafe 為主調，又一平時下午茶嘅me time 好選擇。重點係打開餐牌嘅選擇超級多，而且二人餐都只係$258有齊小食、主食同飲品，性價比超級高。我地見到有新menu 台南海鮮🦞之旅一樣可以升級套餐😌，就忍住留番下次翻兜再試😎軟殼蟹龍蝦汁手作麵手作麵好有水準，軟硬適中，煙煙韌韌好有咬口，而且掛汁能力唔錯，每一啖麵都沾滿濃厚creamy 嘅龍蝦汁😋😋軟殼蟹雖然唔係厚隻上但超高質，炸粉麵身薄身極脆身，食落去仲嗦嗦聲嫁😎自家製台式烤香腸金黃鹽酥雞只需要加$42就可以追加兩款小食又點可以錯過呢😆我地叫咗兩款夜市必食小食，烤香腸已切片，加上原粒生蒜頭🧄，超地道台式食法，鹽酥雞細細粒，一粒一口啖啖肉😆，入面仲係好juicy 嫁☺️茶香三文魚湯漬飯手掌✋長嘅三文魚柳煎得外脆外juicy，最喜歡連魚皮都係脆卜卜嘅，建議可以係加湯前先試一試原味，咁就可以自製
今日放工約咗舊同事圍爐，係德福行咗一圈見到「茶木」竟然有種既熟悉又陌生嘅感覺，而且平日夜晚時間尚早仲有一張卡位就入座了。
餐廳裝潢以小清新木系cafe 為主調，又一平時下午茶嘅me time 好選擇。重點係打開餐牌嘅選擇超級多，而且二人餐都只係$258有齊小食、主食同飲品，性價比超級高。我地見到有新menu 台南海鮮🦞之旅一樣可以升級套餐😌，就忍住留番下次翻兜再試😎
軟殼蟹龍蝦汁手作麵
手作麵好有水準，軟硬適中，煙煙韌韌好有咬口，而且掛汁能力唔錯，每一啖麵都沾滿濃厚creamy 嘅龍蝦汁😋😋軟殼蟹雖然唔係厚隻上但超高質，炸粉麵身薄身極脆身，食落去仲嗦嗦聲嫁😎
自家製台式烤香腸
金黃鹽酥雞
只需要加$42就可以追加兩款小食又點可以錯過呢😆我地叫咗兩款夜市必食小食，烤香腸已切片，加上原粒生蒜頭🧄，超地道台式食法，鹽酥雞細細粒，一粒一口啖啖肉😆，入面仲係好juicy 嫁☺️
茶香三文魚湯漬飯
手掌✋長嘅三文魚柳煎得外脆外juicy，最喜歡連魚皮都係脆卜卜嘅，建議可以係加湯前先試一試原味，咁就可以自製兩食啦😌，另外仲配上三款配菜，櫻花蝦、木魚片、脆米，先加入高湯再放入配菜，就可以有雙重口感
鳳梨鮮果甜酸肉
菠蘿咕嚕肉嘅升級變奏版，除咗基本嘅新鮮菠蘿粒🍍之外，仲以不同時令水果入饌🍓🫐，水果嘅天然甜味為甜酸醬加上自然香氣，炸酥肉沾上甜酸醬好惹味，送飯一流
黑朱古力杏仁可頌窩夫🥐🧇
甜品係小妹另一target ，Dinner set 大部分都會包一甜品，我地就揀咗黑朱古力🍫杏仁可頌窩夫🧇，可頌窩夫牛油香氣撲鼻，但如果可頌再脆身少少就更好
張貼
