譽滿點心專門店 (已搬遷) 新店位置

阿媽話好耐無飲茶，食點心好唔好，我都無乜所謂，難得佢有興致。佢問去邊間茶樓會有位，不過我就唔想去茶樓，去食D點心專門店好似做得好D，有時會有D特色嘢食。芥末蝦餃，相信係創意點心，通常我會點辣椒油食蝦餃，不過有wasabi就無要辣椒油。其實washbi味道唔係好濃，成個放入口食都問題不大。當然唔鍾意食嘅人就要特登整走佢，會比較麻煩啦。鳳爪係阿媽嘅最愛，我就無食啦，見阿媽食咗幾件，我估味道都唔差嘅。流沙包真係好流，外皮鬆軟，好食。蘿蔔糕、燒賣就普通啦，個煲仔飯都足料，我地食唔晒。免加一，茶錢都係每位幾蚊，值得一試。