影片
更多
2019-02-28
228 瀏覽
平時食得正餐多，今日想轉下口味，買咗煎包同點心同屋企人分享，落到樓下先見到一間同唐記好相似嘅鋪，叫做巧手製作，望吓餐牌先知道原來係同一個集團，不過比唐記更多選擇。平時唐記只有蒸包，難得呢度有香煎包，梗係要試吓啦，呢度嘅添包唔太油膩，表明夠乾身，有少少脆口，不過帶到返屋企都有少少水氣，都係趁熱食好。香煎包有幾款，買咗蔬菜香菇、菜肉，蔬菜香菇包本身比較淡口，調味不錯，味道適中，感覺比較健康，而且外面剪過，有啲似煎蔬菜餅。菜肉包嘅餡料份量都算多，採用嘅係瘦肉，唔會肥膩，不過肉質嘅口感可以改善，依家感覺上啲肉搞得太碎，失去咬口。幾欣賞沙嗲牛肉包，牛肉份量都係幾多，而且沙嗲味突出，食落有啲似沙嗲牛肉米粉嘅沙嗲醬汁，係熟悉的港式味道！外皮保持一貫唐記水準,夠鬆軟，帶點濕潤👍🏽另外仲叫咗牛肉腸粉，牛肉粒質量尚可，有傳統酒樓嘅味道，而且腸粉非常滑口，真係喺鋪頭新鮮製造，排咗隊一陣先買到㗎。 依家出去食餐飯一下子都$40-50 ，偶然買下簡單嘅包點做午餐都係幾好嘅選擇。
平時唐記只有蒸包，難得呢度有香煎包，梗係要試吓啦，呢度嘅添包唔太油膩，表明夠乾身，有少少脆口，不過帶到返屋企都有少少水氣，都係趁熱食好。
香煎包有幾款，買咗蔬菜香菇、菜肉，蔬菜香菇包本身比較淡口，調味不錯，味道適中，感覺比較健康，而且外面剪過，有啲似煎蔬菜餅。
菜肉包嘅餡料份量都算多，採用嘅係瘦肉，唔會肥膩，不過肉質嘅口感可以改善，依家感覺上啲肉搞得太碎，失去咬口。
幾欣賞沙嗲牛肉包，牛肉份量都係幾多，而且沙嗲味突出，食落有啲似沙嗲牛肉米粉嘅沙嗲醬汁，係熟悉的港式味道！外皮保持一貫唐記水準,夠鬆軟，帶點濕潤👍🏽
另外仲叫咗牛肉腸粉，牛肉粒質量尚可，有傳統酒樓
嘅味道，而且腸粉非常滑口，真係喺鋪頭新鮮製造，排咗隊一陣先買到㗎。
依家出去食餐飯一下子都$40-50 ，偶然買下簡單嘅包點做午餐都係幾好嘅選擇。
張貼
