茶湯會 (豉油街) (已結業)

自從銅鑼灣茶湯會嘅分店結業之後，我都好少嚟飲，今次經開旺角一定一定要嚟飲返呢個我最喜愛嘅豆漿奶茶！疫情之前茶湯會出面呢通常都會俾你可以有個空間坐低飲嘅空間，另外都會有一啲黑糖薑茶俾大家可以試飲，佢嗰個黑糖薑茶真係好正㗎！我每次點完餐都會浸返兩三杯嚟飲！佢個薑味唔會太濃，配埋嗰個黑糖嘅甜味呢真係好正！黑糖豆漿奶茶 $27佢呢個豆漿奶茶呢係我飲過咁多間台式奶茶店最好飲嘅！因為佢嗰個奶茶味唔會好色素嘅感覺，唔係嗰啲好假奶嗰種味道，配埋個豆漿令到成杯奶茶更香滑，同埋嗰個豆味好香，如果唔鍾意飲甜嘅朋友仔呢其實可以就咁叫豆漿奶茶都夠甜！不過我呢就覺得黑糖豆漿奶茶呢就個味道就再提升！甜啲同埋好味啲囉👍💖