茶泰 (荃新天地2)

營業中

休息中

今日晏晝去荃灣，友人提議去食泰國野，揀左呢間坐落係荃新天地二期望落都幾chill 既茶餐廳。入口右邊放滿泰式飲品零食，好似圖書館咁，不過架上唔係圖書，而係泰式食品，幾特別！餐廳內裝修別緻，好舒服，位與位之間闊落，最啱同朋友食飯吹水。我們一行四人，叫左兩個冬蔭湯河，一個蠔仔煎蛋飯，一個香茅豬扒蛋飯。冬蔭湯河味濃但又不太辣，有少少酸，酸得來好開胃，唔錯。蠔仔煎蛋飯有驚喜，有蠔味，同蛋混合一齊食，一絕，值得推薦。香茅豬扒蛋飯，豬扒煎得啱啱好，鷄蛋大份得來又唔會老，唯一要彈既係醬汁比較多一點，不過對於我這個喜歡有汁撈飯既人，就冇乜問題。雖然話係食飯時間，但侍應都冇話催促我們埋單，所以都食得幾自在，包埋野飲人均$69，唔貴，有時間有機會可以再幫襯。