茶茶台式料理 (已結業)

今日好凍想食個一人一鍋, 又唔想去快餐店, 突然諗起茶茶台式既臭臭鍋, 都唔係好多地方有得食, 趁早未夠7點就去左食免得要排隊~~一心想黎食臭臭鍋, 可能太耐冇食一睇MENU原來除左臭臭鍋仲有好多味道既湯底, 有沙嗲, 仲有我最愛既麻辣!茶茶台式專用既火爐好得意, 成個鍋塞滿火鍋料, 有份量比想像中多既一大堆肥牛, 有貢丸牛丸蟹柳, 唔少得有蔬菜墊底, 仲有成個公仔麵! 真係好豐富一定夠哂飽。最重要之一梗係個湯底, 個人認為夠香夠辣, 配公仔麵好正~~朋友就叫左個黑椒牛肉飯, 好多洋蔥同牛肉, 黑椒味好出幾惹味, 除左鍋物外飯類都唔錯喎!黎食飯一定會叫埋佢既台式飲品, 話哂都有自家台茶水吧, 唔洗特登出制買! 叫左奶蓋莓莓同埋竽香珍珠, 大大杯, 竽香珍珠竽頭味突出, 而奶蓋莓莓既奶蓋好香夠濃厚, 加埋香甜莓味, 好飲!下次再黎食臭臭鍋!