龍泉冰室 (已結業)

［龍泉冰室］閒逛九龍城，夏天熱辣辣好想飲杯凍檸茶🥤見到店仔細細嘅龍泉冰室餐牌選擇極豐富，小炒、麵餐、飯餐都有齊，今晚晚餐一於揀你啦😋#士多啤梨骨見到有個餸叫做士多啤梨骨，咁特別唔係唔試呀嘛🤤士多啤梨骨肉質鬆軟，雖然見到一枝枝好大嘅骨但好易咬一啲都唔韌，醬汁感覺清新又啱送飯，呢個餸值得一試呀👍🏼#欖菜肉鬆四季豆四季豆炒得夠鑊氣，大大碟份量十足，呢個餸我可以無限encore呀🤤#蝦醬炒飯呢個炒飯係用蝦醬炒嘅，好特別，聞落已經香噴噴，食落有淡淡蝦醬嘅咸香，味道拿捏得恰到好處👍🏼#奶醬厚多士好耐無遇過落花生醬落得咁大方嘅餐廳喇🤤滿足晒食甜食嘅願望，超滿足😆