影片
更多
2015-05-04
1698 瀏覽
未黎過當然要試試啦，而且係大埔只有幾間餐廳有生蠔供應呢！主打生蠔既餐廳，menu 上例出生蠔幾十款，嚇得吓人喎。但係都要視乎季節同供應，唔係全部都有架呢 ﹗好似我本來專程黎食既 Belon 話唔啱季節，要等多一星期先有，勁失望！遇唔到蠔中之皇添！雖然驟眼望個內籠係西餐廳部局，但細看配搭同報置有點娘，茶記味道濃厚。花多眼亂，又唔知邊隻有供應，最後唯有食啲未試過架啦，問問侍應哥哥介紹其款法國既。France Pousse Claire、France Ancelin、France Gillardeau 生蠔，順時針食，由海水味淡至濃，頭兩款味道清新，淡淡海水味道，口感 creamy 邊位略帶爽口，好味道 ﹗最後一款海水味濃郁，對我黎講好咸，口感較為爽口，after taste 較長。三款法國都好肥美，另外仲有一款係跟餐既澳洲 Cofin Bay，味道較清淡，肉質較薄而爽，免強接受。生蠔一般都係跟茄汁同鮮檸，而我只需要鮮檸調味就足夠喇。諗起十幾廿年前初食生蠔時都會落大量茄汁架。意大利什菜湯，跟羅宋湯差不多，但配菜均爽口，唔會煲到腍晒，味道清淡帶什菜及鮮茄味，合格，個人比較鍾意濃湯。餐包外層非常
未黎過當然要試試啦，而且係大埔只有幾間餐廳有生蠔供應呢！主打生蠔既餐廳，menu 上例出生蠔幾十款，嚇得吓人喎。但係都要視乎季節同供應，唔係全部都有架呢 ﹗好似我本來專程黎食既 Belon 話唔啱季節，要等多一星期先有，勁失望！遇唔到蠔中之皇添！雖然驟眼望個內籠係西餐廳部局，但細看配搭同報置有點娘，茶記味道濃厚。
花多眼亂，又唔知邊隻有供應，最後唯有食啲未試過架啦，問問侍應哥哥介紹其款法國既。France Pousse Claire、France Ancelin、France Gillardeau 生蠔，順時針食，由海水味淡至濃，頭兩款味道清新，淡淡海水味道，口感 creamy 邊位略帶爽口，好味道 ﹗最後一款海水味濃郁，對我黎講好咸，口感較為爽口，after taste 較長。三款法國都好肥美，另外仲有一款係跟餐既澳洲 Cofin Bay，味道較清淡，肉質較薄而爽，免強接受。
生蠔一般都係跟茄汁同鮮檸，而我只需要鮮檸調味就足夠喇。諗起十幾廿年前初食生蠔時都會落大量茄汁架。
意大利什菜湯，跟羅宋湯差不多，但配菜均爽口，唔會煲到腍晒，味道清淡帶什菜及鮮茄味，合格，個人比較鍾意濃湯。餐包外層非常香脆，我平時都唔會食包，但依個加埋牛油真係好食喎 ﹗
香煎黑毛豚肉配芥苿黑椒汁，成日食牛好悶，轉轉口味先得。豚肉煎得香口，質感軟棉有趙口，肉味濃郁且肉汁非常豐富，點汁或淨食都好好味。個芥苿黑椒湯汁調得太稀喎，似幫黑毛豬沖身多啲，浸一浸就放入口，味香但不辣。伴碟薯蓉較粗糙，我較喜歡幼滑一點。用薯蓉卷住黑毛豬柳同吃，依個配搭都好正，超好味 ﹗
黑松露芝士蘑菇意大利飯，落錯單啦，我地係叫會意粉架﹗我地兩個同樣對 risotto 麻麻，不論港式或意式。老闆著晒火嚷著要走，本來佢已經唔多鍾意食西餐架喇，唔換喇，照食。有 Risotto 既外貌，但無靈魂。芝士味跟蘑菇味同樣陰沉，香氣不足，黑松露完全感覺唔到，飯就煮得不錯，意式脆口有趙頭。老闆食左啖唔食，乸埋塊面，我硬食左三四口，放棄。煮得唔太差，合格既，係我地不太喜歡啫。暫時食過較滿意既 risotto 係又一城 little italy！
張貼
