搵食工房

營業中

休息中

茶記可以話係港版B級美食，常餐、公仔麵、厚多，雖則係簡單、平民，但要做到好食都唔易。好難得馬鞍山有間坐得舒服唔似茶記嘅茶記，好食得嚟又唔貴。*常餐C $48瑞士雞翼撈公仔麵 牛油厚多士 嫩滑炒蛋 咖啡或茶 瑞士汁唔會太甜，雞翼入味又唔嚡，公仔麵煮到少少硬，仲有好多瑞士汁撈麵，好啱我口味。牛油厚多士香又脆，炒蛋未算好滑好香，但我已經好滿足。印度皇室咖喱脆皮雞扒飯 $56咖喱係港式咖喱，稀身帶少少椰香，薯仔先炸後放入咖喱，唔會過份腍身。脆皮雞扒果然脆皮，炸到脆卜卜，雞腿肉依然有肉汁，白飯就正正常常。