小桃園餐廳小廚

營業中

休息中

屯門碼頭啟豐商場一入去成排鋪頭都係餐廳，仲要間間都唔同類型，有時淨係諗食邊間都好苦惱。好彩我今日目標明確，忽然好想食油雞飯，所以就去左小桃園喇。真係冇揀錯，賣相已經令人食指大動。碟頭飯既份量，油雞都鋪滿半碟飯，少少肥既油雞皮非常有光澤，雞肉又夠嫩滑，連伴碟既菜心都好清甜。薑蓉係人手切粒既，薑蔥粒粒分明，少少咸吊下味已經好夠味，唔似一般燒味檔機製既，又稀又水，真係唔點好過點。凍檸茶茶味夠濃，檸檬又夠，我鍾意叫少甜，篤爛晒d檸檬，酸酸微甜咁最正。