順景茶餐廳 (已結業)

講到灣仔最多咩食肆，可能係非茶餐廳莫屬，有老字號，有新派，梗有一間係附近。我留意左順景茶餐廳好耐，一到lunch時間，門外總排著一條人龍。雖然外貌不揚，但實力非凡，令我十分滿意。見到多人讚賞焗豬扒飯，想也不想就要了焗豬扒飯，果然味道唔錯，同大家樂既味道絕對唔同，係港式焗飯既味道，有好香鮮茄味，顯然沒有加入茄膏，味道清淡許多。而豬扒也有數塊，肉質稔身，醃得味道唔錯，配合炒飯底，抵食。焗雞扒意粉，味道上雞扒比豬扒更好味，因為豬扒雖稔身，可是厚度不足，薄薄一片，但雞扒則有實感得多，而且比豬扒更加入味，意粉則以茄汁炒過，再放入焗爐再焗，好有港式茶餐廳風味。最後以一杯熱奶茶作結，香濃，順滑，有質素，可是唔夠熱係致命點。整體價錢實惠，值得一而再去幫襯，38蚊連凍飲，可以去邊到搵，對網民推介的乾炒牛河帶有濃烈的興趣。更多資料：http://hk.myblog.yahoo.com/zysk-c/article?mid=1943