民華餐廳 (已結業)

做facial之前食個茶記先，作為民華粉絲又黎食啦，無記啦常餐太高質，今次叫左常餐沙嗲牛通粉配餐肉炒蛋，牛油烘底多士，沙嗲牛照樣湯底味道不錯，濃而不鹹，通粉煙煙韌韌幾有咬口，牛肉易咬而且肉質夠稔，餐蛋多士照舊出色，炒蛋超級滑仲有少少蛋醬流出黎，有賣相又好味，餐肉都幾厚，多士烘到外皮微脆，新鮮熱辣辣食連埋溶左既牛油，正啊！至於野飲我就加錢跟餐叫左杯紅豆冰，大大杯，有一半都係紅豆，甜度適合，好味道啊！