金記冰室 (元朗廣場) (已結業)

今日去開元朗廣場行吓街，有啲肚餓，見到間好吸引嘅茶餐廳，一於入去試吓。入到去見到個餐牌封面介紹招牌焗豬扒飯，一見到就已經好想食黎到睇賣相都好好，兩大塊蕃茄，一大塊豬扒，個豬扒係我食過咁多個焗豬扒飯最好食嘅😋焗嘅火候適中，再加上炒底嘅飯，真係好好食，不過美中不足就係份量太少喇，雖然我係下午茶食，但真係太少，唔夠食啊！咁飲品我就叫咗杯凍鴛鴦，我就覺得甜咗少少，加上啲冰太大粒，如果碎冰咁就最好啦，有待改進。下次再嚟試其他款式美食。