影片
更多
2009-04-20
67 瀏覽
復活節第一日入左梅窩, 原本中午已經到, 但由於早餐太飽, 所以未開始食lunch, 但都先周圍行下, 睇定等陣食乜............其實梅窩可以話係冇野食, 得個冬菇亭好似有多幾間選擇, 市中心周圍都係得d茶餐廳, 一眼見到呢間羅馬餐廳, 仲以為食羅馬菜, 但原來都係普通茶餐廳, 不過好多人食, 但到我地點零兩點左右, 見間間茶餐廳都full哂, 係呢間大把位, 開頭都幾驚架, 呢d時間都仲有咁多位, 但冇計, 心口掛個勇字, 入去試............原來好得wor~~一入到去就有人招呼我地坐卡位, 跟住我地叫左個干牛河&涼瓜班腩飯........... 中湯 : 唔記得乜野湯, 不過有d沙參肉竹豬骨, 味道唔錯, 好足料, 唔似加味精 干牛河 : 好大碟, 而且好多牛肉, 唔似其他茶餐廳得果幾塊, 佢起碼超過10塊以上, 味道ok, 不過都係好油, 可能係干牛河特色 涼瓜班腩飯 : 得幾片薄薄涼瓜, 加班腩5舊, 個獻好杰, 唔夠汁, 不過d魚唔腥 凍奶茶 : 唔夠茶味, 似係捷榮沖出黎果隻 熱杏霜 : 唔係好夠濃餐廳門面尚算乾淨, 最驚喜係連茶餐廳都有得用八達通...
一入到去就有人招呼我地坐卡位, 跟住我地叫左個干牛河&涼瓜班腩飯...........
中湯 : 唔記得乜野湯, 不過有d沙參肉竹豬骨, 味道唔錯, 好足料, 唔似加味精
干牛河 : 好大碟, 而且好多牛肉, 唔似其他茶餐廳得果幾塊, 佢起碼超過10塊以上, 味道ok, 不過都係好油, 可能係干牛河特色
涼瓜班腩飯 : 得幾片薄薄涼瓜, 加班腩5舊, 個獻好杰, 唔夠汁, 不過d魚唔腥
凍奶茶 : 唔夠茶味, 似係捷榮沖出黎果隻
熱杏霜 : 唔係好夠濃
餐廳門面尚算乾淨, 最驚喜係連茶餐廳都有得用八達通...........
張貼