Solé (已結業)

見咁多好評貪方便訂咗同老公慶祝生日，非常失望。八百幾蚊一餐飯，我無期望有真正fine dining 嘅體驗同質素，但全程由服務到食物都係茶餐廳嘅質素。1. 餐具全部都花曬，衰過茶餐廳，老公風趣問侍應知唔知solè點解，侍應話唔知🤔2. 全間餐廳得四枱客，侍應長期唔見人，問佢乜都話唔清楚。同枱客人係外國人，但佢全程介紹食物用中文，叫佢用英文佢一句唔好意思就行開。3. 上菜次序錯曬，starter上完先比餐包，問佢攞碟食餐包，乜都無講但突然攞走餐包，然後突然就上咗碗湯，一頭霧水。starter求其夾啲嘢加幾條草就話係starter ，我敢講我求其係M&S買個platter都靚過佢。4.主菜，我咁大食真係第一次連份量咁迷你嘅法國餐都食唔曬一半，因為喊到我飲咗大半支sparkling water. 好少失望到要突登寫食評。仲要揀嚟慶祝生日，後悔莫及。五月份播聖誕歌，問你死未，如果無心做，唔好揸住法國餐呢個名呃人。