紅茶冰室 (已結業)

今日來到荃灣做野，做到兩點幾先得閒食飯，行行下見到呢間冰室式茶餐廳，就入黎食個麵啦。餐廳面積都幾大，樓下坐滿可以上閣樓，但因為過咗午飯時間，所以唔算多人。餐牌夠晒多選擇，懶得諗之下叫咗特餐，有我最愛嘅沙嗲牛肉麵，火腿奄列及牛油厚多士。多士即叫即烘熱辣辣，食落鬆脆，火腿奄列幼滑，內裡火腿絲夠多，沙嗲牛肉味道好濃，牛肉唔會煮得太韌，公仔麵夠爽口，混埋沙嗲汁食好好味。食完再嘆返杯咖啡，又可以為忙碌嘅下午做足準備。