紅茶冰室 (已結業)

呢間茶餐廳响荃灣開左半年，之前行过見有人龍都冇入去，昨天早晨终於去吃早餐，兩个人入到去坐低在四人卡位，对面有另兩人，張枱較窄，見隔離有張大枱有人離座，我們未叫嘢，便自行轉位，有個似係老細嘅男人即刻用不友善眼光望實，可能太好生意唔憂做啩。叫左兩個早餐，等左一輪後其中一份的部分食物到了，另一份就遲遲未到，大枱上另有人遲过我叫，但食物也已到先，肯定落單亂左，我催了後再等左一陣先到。進食其間大概十分鐘內，有幾個阿蟬(中年女侍應)不停問有冇叫呢樣果樣，D單好似亂哂龍，好影響心情，座位已經太寬敞(其實係窄)，重請埋D冇水準嘅啊蟬，唔睇單淨係識問食客，真趕客！食物水準屬可以，但價錢算便宜，荃灣區有此水準之茶記大把，價錢服務優勝者不少也。臨走前一名女服務員見我走時移開椅子有点困難地離座，細心地同我講地方窄要小心，我忍不住回了句: 唔緊要，冇下次了。

早兩天到紅茶食早餐，見隔籬食客叫咗個牛扒早餐，份早餐好大份，所以今早決定試下牛扒早餐蒜蓉板燒牛扒拌德國腸，仲有牛乳炒蛋，半件厚多士蒜蓉牛扒，都幾厚同大件，蒜蓉汁就較咸，牛扒就根位太多，扒邊的油脂較厚，肉質入口都有嚼口，唔會醃到鬆晒，但食完份牛扒早餐，碟底都幾多油德國腸，好大條同皮好脆，香腸味就普通牛乳炒蛋，好滑，都有啲蛋味，叫咗杯檸蜜，檸檬🍋有成四片，甜度剛剛好總括來說，這個早餐，只需要$39，都幾扺

紅茶畀我感覺係茶餐廳得黎又會有特別野食既地方，多人食到係後面街都開左分店。。。今次叫左個肉眼排蜂蜜芥末汁，跟蜆湯，飲熱檸水。賣相確實係非常唔錯既，有一塊半，份量都多，而且係焗薯，幾有誠意，健康 d 不過個牛排就勁多筋，好難咬，好似有少少過熟咁。個湯就幾 creamy 都 ok 既。而個飲品我就一啖都無飲了，因為杯邊全部都係白點既粉，而且手柄都係笠到不得之了，所以最後我自然就唔想飲啦。價錢唔貴，性價比都 ok 綜合衛生程度，美味程度，畀個 Ok 啦。。

好久沒寫食評了、呢間都食了三次了於lunch時，其中一個我想encore 原因是佢個丹麥餐飽。我一食難忘，再配炒蛋，都係能夠與旺記平排之列，不過要趁熱食免凍左豬扒通粉配茶走，去3次都係點呢個餐。下次去會試埋其他讚👍🏻

坎坷的港爸，已很久沒買過新衣服，又是轉季的時候，良心發現的港媽終於帶我去商場血拼。拼了幾件每件幾十塊的Tee和褲子，商場幾乎打烊了，於是往街上的茶餐廳打主意。這角落本來是寵物店，不知何時變了茶餐廳，於是抱著「新屎坑」的心態進去了。我們點了普通的不可再普的“常餐豬扒通”及“鐵板西冷牛扒” … 但結果 …“常餐豬扒通”的炸豬扒火喉掌握得很好，外脆內軟，但畢竟是茶餐廳，師傅做手也不輕，不過，還算是茶餐廳水準以上。港媽問，為什麼豬扒通我不點平常的公仔麵，而是通粉，我說因為這塊是豬扒，不會整塊舉起來一口一口的吃，我會用刀叉把它切成粒，於是就可用羹一口通粉加一口豬扒一齊吃，這不是更美味嗎？常餐的那份滑蛋和多士（土司）也很特別，那多士不是普通的麵包，是丹麥酥做的，塗了牛油，好邪惡呀！“鐵板西冷牛扒”很有心思，不是隨便放一堆青豆粟米雜菜，而是整齊的兩塊翠玉瓜托著牛扒，牛扒下還有一隻有錫紙包住的焗薯，簡簡單單的一個茶餐廳鐵板牛扒，擺盤也這麼講究，很有心思，值得一讚，這間茶餐廳一定要翻兜！

荃灣除咗有好多小食店，茶記都唔少。紅茶冰室長期都幾多人幫襯，成日去荃灣嘅我點都要試一次嘅。-招牌冰火脆皮菠蘿油第一次見菠蘿包同牛油會分開放，牛油特別以冰塊冰鎮住，可以避免菠蘿包熱度太高令牛油太早融化，幾貼心。入口酥脆，外皮唔算過厚。熱辣辣嘅包，加上微涼嘅牛油更添油潤香。-焗鮮茄豬扒意粉意粉水準正常，未至於令我驚喜。豬扒質感尚算腍軟，芝士有加乘作用。醬汁份量唔係好足夠，多啲會更好。-招牌沙嗲牛肉麵特餐+火腿奄列+牛油多士呢個套餐唔係我點選，所以只係試咗我最愛嘅奄列同多士。奄列幾好食，蛋皮都係偏薄，但蛋香依舊，加上火腿絲一流。牛油多士個賣相幾新鮮，同坊間嘅多士好唔同，整體顏色偏啡。食落都好驚喜，鬆軟帶濃厚麵包香。-熱鮮檸柑桔蜜味道唔錯，有潤喉之用，唔會過甜。

星期六時間又放假，就落了去大窩口的紅茶食早餐，幸好早少少不用等就可以入去，今次叫了一個沙爹米粉配炒蛋和多士，飲熱奶茶，最後再加一個蛋撻和芝士撻外賣，不過可能太忙，待應有少少亂但都可接受。米粉來到見到牛肉勁大片，但整碗都只有微溫，米粉份量比較少，牛肉有三片但十分大片，炒蛋都是凍的但好彩食到有蛋味同幾滑身，多士是整個早餐最去食物，厚身又脆有牛油香。奶茶味都夠，奶如果再多少少仲好味，不過因為十分多人，坐得不太舒服，食完就離開了，到下午再食撻，不再熱但不油身同帶酥香好味道。

每早經過這冰室，門口都有長龍買佢地的新鮮出爐麵包今早我就食哩度既早餐，蒜蓉秘燒牛扒伴德國腸蒜蓉牛扒，好有蒜蓉味，但較咸，牛扒幾厚身，但較淋，北海道牛乳炒蛋，唔滑，德國腸，係脆皮，唔錯，牛油厚多士，好脆口，牛油唔多，熱檸蜜，唔駛加錢既，都幾重手，檸檬🍋有成四片，甜度也剛剛好

紅茶冰室呢個B餐，沙嗲牛肉麵餐，沙嗲味算重，牛肉都好腍滑，麵質都可以，最重要係份量足、大大碗。煎蛋多士，多士黎到仲係熱辣辣，脆卜卜，好正，蛋有蛋香。奶茶☕️香濃滑口，總括黎講$34蚊食倒呢個質素好抵食👍🏻

又口痕🙊又唔知死咁想食菠蘿油🙊⠀⠀⠀⠀⠀⠀⠀⠀⠀⠀⠀⠀但今次食到超好味！超抵食！嘅菠蘿油呀😍⠀⠀⠀⠀⠀⠀⠀⠀⠀⠀⠀⠀今次我唔係堂食，外賣返左公司食⠀⠀⠀⠀⠀⠀⠀⠀⠀⠀⠀⠀等我逐層拆解紅茶冰室嘅菠蘿油有幾正啦！⠀⠀⠀⠀⠀⠀⠀⠀⠀⠀⠀⠀🥳菠蘿包：依個係滿滿菠蘿嘅菠蘿包呀😍面頭嘅脆脆覆蓋晒成個包面，每一啖都咬到脆脆！🤩而佢個包都好扎實，絕對唔係空氣包啊👍🏻⠀⠀⠀⠀⠀⠀⠀⠀⠀⠀⠀⠀🥳牛油：睇外露嘅部分都幾大塊，但！papa唔係咁膚淺，齋睇表面就定奪嘅人😎由於太想食嘅關係🙊加熱前唔記得影相，但加熱左後仲見到有牛油未融，同根據牛油滲透嘅範圍，就知牛油嘅份量好足啦😍⠀⠀⠀⠀⠀⠀⠀⠀⠀⠀⠀⠀🥳價錢：依個一定要歌頌下！咁扎實、咁好味嘅菠蘿油，只售$9🕺🏼🕺🏼🕺🏼⠀⠀⠀⠀⠀⠀⠀⠀⠀⠀⠀⠀🤦🏻‍♂️又係美中不足環節，我見其他堂食嘅人話佢地嘅包都係暖暖地，所以同件牛油有冰火交融🤔嘅感覺，但可能我嘅係外賣，佢唔想牛油咁快融晒，所以我拎到嘅時候係全凍嘅，要自己返到公叮下佢，冇得一邊行一邊食😭⠀⠀⠀⠀⠀⠀⠀⠀⠀⠀⠀⠀睇其他foodie嘅相發現，好似堂食會將件牛油冰鎮上，可能會比外賣好食😋下次要試下先得！🤩

有日跑完步，去食早餐，搭枱卡位，坐抵後見張枱有湯汁，於是唔該個女侍應抹一抹枱，態度超差，邊抹邊講，點抹都係咁既啦，塊布濕的，抹完我覺得係無問題既，仲有件事就係，最後又有個侍應行經掃掉左我地張單，回頭一望就走左，感覺真係不太好，人多都唔使咁。野食又不是特別好食。

星期日去食真系多人到爆 但就證明有幾受歡迎。😁11：30去到已經排長龍我哋2個人入去坐卡位 張枱細又同人搭枱叫餐都等左幾分鐘嗌左今日嘅午餐a 黑椒汁肉眼扒 有紅湯/中湯/白湯揀 亦有飯/薯菜/意粉選擇由於張枱太窄 飲品都冇位放 驚阻到對面食客進餐整體上食物質素可以的 而且價錢合理 值得一試

🔻又到lunchtime 食乜好？🤔今日就帶大家去到依間同同事成日食嘅 #紅茶冰室 睇一睇佢有咩正嘢食🧐👍🏻👍🏻 芝士撻 $8紅茶冰室嘅芝士撻冇得頂呀🤩佢啲芝士好creamy 係流質狀嘅 個撻皮好大陣牛油味 食完一個會再想食一個🥰佢嘅質素同XX工房有得fight 但係價錢就平XX工房一半以上 所以有時返工放工見到啱啱出爐一定會買一個嚟食㗎🥰👍🏻焗腸仔肉醬意粉 $54紅茶冰室嘅焗類一直都有質素😎 唔會話焗得太乾 又或者火候唔夠 而依個意粉好足料 每一啖意粉都可以沾到肉醬 加埋啲腸仔有咬口之餘 又唔會令個意粉太寡 可以一試再試👍🏻夏威夷燒雞扒配薯菜(是日午餐) $47依度嘅午餐真係好抵食😇唔使$50就可以食到塊扒 而塊雞扒都唔會將貨就價 細細份咁 雞肉嫩口🐣 唯一美中不足嘅係午餐嘅醬汁已經規定咗 唔可以揀自己想要嘅醬⠀⠀⠀⠀⠀⠀⠀⠀⠀⠀⠀⠀👅好味（5粒最高）：👅👅👅👅👅🕍環境（5粒最高）：⭐⭐⭐⭐⭐🍡抵食（5粒最高）：🍡🍡🍡🍡🍡💵人均消費：$50🚗地址：紅茶冰室 (荃灣)荃灣德士古道47號⠀⠀⠀⠀⠀⠀⠀⠀⠀⠀⠀⠀

茶餐廳最吸引人之處就係佢杯香滑濃郁嘅奶茶！呢間紅茶嘅呢杯地道港式奶茶算是佢嘅signature 👍👍👍加埋熱乎乎新鮮出爐嘅麵包，簡直係下午茶嘅首選！ High Tea唔一定要去酒店嘅

行返公司路過，本應係坐下食個tea，點知爆滿又唔想係條街等，所以就買個包返公司食.唔知係咪新鮮出爐，但圓碌碌又暖暖地，所以就吸引左我一路行一路食.味道係我曾經係深水步一間叫黃x冰室的同一味道，都有d杏仁味。但龜裂的包皮，我一路食唔會一路散開 ，值得讚架。我最怕就係一咬，上面果層脆散開灑。不過個包就有d乾囉。期待下次入去坐抵嘆下午茶