叙苑粉麵茶餐廳

營業中

休息中

係慈雲山區好食既茶餐廳好少, 呢度算係唔錯, 尤其係佢既茶餐, 雖然最近加左價, 但間中都會去。我最鍾意係佢既A餐, 有牛油餐包配火腿奄列, 沙嗲牛肉公仔麵, 加三蚊有紅荳冰。先講奄列, 完整既奄列包住入味既火腿, 夾係牛油包裡面食最好! 而沙嗲牛麵牛肉嫩滑, 湯汁香濃, 可能有人會覺得會稍鹹, 但阿媽話咁先足料哩! 成個餐最好既係紅荳冰, 飲得出佢真係用花奶溝出來, 有成半杯咁多, 唔會偷工減料, 紅荳則軟硬適中, 粒粒都大大粒, 好有口感, 可以話係我飲過之中最好味既紅荳冰哩!佢最近擴充左, 連街邊都霸埋, 而且不時會坐無虛席, 可見捧場客真不少! 呢度夜晚仲有煲仔飯, 我試過都唔錯的。不過佢既粉麵就一般, 大家大可去後街既"明記"食好喇。至於服務就唔好諗喇, 都係街坊生意, 唔好要求咁高了!