影片
更多
2018-10-09
733 瀏覽
weekend為咗一試老虎堂珍珠奶茶，所以一早到咗銅鑼灣，滿足地試完珍珠奶茶之後諗住快快手手食個lunch～見到禮頓道開咗間十字冰室～之前好似聽聞過十字奶開自家冰室～咁不如就試下呢間啦～入到去見到個裝修都幾特別～有少少懷舊冰室嘅感覺～叫得冰室，以為佢淨係得啲A，B，C餐咖啡奶茶檸茶檸水咁～又唔係喎，佢連炸鮮奶炸都有！似乎來一次係唔可以試晒佢所有嘢嘅！我一望個menu就好快決定咗要個皇牌餐！叫得皇牌餐，佢哋一定係對呢個餐非常有信心所以先會咁叫～咁就試下係咪真係咁滿意先！首先上咗一個黑松露炒蛋加牛油多士～要令到平凡嘅嘢變得不平凡都唔容易～黑松露炒蛋非常多黑松露～放低嘅時候已經有陣陣嘅松露香味～食落口每一口都係松露碎～以茶餐廳嚟講真係非常surprise～同埋個炒蛋好滑～我覺得佢應該有落自家鮮奶去炒～所以先可以做到呢個效果～呢個炒蛋我比滿分佢～！真係非常滿意！另外個牛油多士個麵包好甜～有啲似排包嘅感覺，唔知道佢哋係咪麵包都係用自家鮮奶去做所以咁甜呢？然後上主餐～香濃蕃茄牛尾湯通粉～通常我去茶餐廳唔係叫蕃茄通粉就係叫沙爹牛肉麵架啦～不過試過好多地方嘅番茄通粉都令我好失望...尤其是好多餐廳都k
入到去見到個裝修都幾特別～有少少懷舊冰室嘅感覺～
叫得冰室，以為佢淨係得啲A，B，C餐咖啡奶茶檸茶檸水咁～又唔係喎，佢連炸鮮奶炸都有！似乎來一次係唔可以試晒佢所有嘢嘅！
我一望個menu就好快決定咗要個皇牌餐！叫得皇牌餐，佢哋一定係對呢個餐非常有信心所以先會咁叫～咁就試下係咪真係咁滿意先！
黑松露炒蛋加多士－皇牌餐
$62
13 瀏覽
0 讚好
0 留言
首先上咗一個黑松露炒蛋加牛油多士～要令到平凡嘅嘢變得不平凡都唔容易～黑松露炒蛋非常多黑松露～放低嘅時候已經有陣陣嘅松露香味～食落口每一口都係松露碎～以茶餐廳嚟講真係非常surprise～同埋個炒蛋好滑～我覺得佢應該有落自家鮮奶去炒～所以先可以做到呢個效果～呢個炒蛋我比滿分佢～！真係非常滿意！
另外個牛油多士個麵包好甜～有啲似排包嘅感覺，唔知道佢哋係咪麵包都係用自家鮮奶去做所以咁甜呢？
然後上主餐～香濃蕃茄牛尾湯通粉～
香濃蕃茄牛尾湯通粉
42 瀏覽
0 讚好
0 留言
通常我去茶餐廳唔係叫蕃茄通粉就係叫沙爹牛肉麵架啦～不過試過好多地方嘅番茄通粉都令我好失望...尤其是好多餐廳都keep唔到水準，今次去係好好食，下次去已經失晒水準....
而十字冰室呢個香濃蕃茄牛尾湯通粉絕對無令我失望～濃濃嘅蕃茄湯，味道食落似非常濃厚嘅羅宋湯！加上真係有大大件嘅牛尾肉，呢個餐$62真係性價比高！ 通粉煮到啱啱好，唔會太淋或者太硬，索咗少少湯汁非常好食！ 而且成個通粉都有唔同類型嘅蔬菜～都算係營養比較均衡嘅一個選擇！ 最後試埋個牛尾，估佢唔到煮到好淋好入味，成個通粉好食到我連啲湯都飲埋～
另外男友點咗一個常餐～
鮮奶炒蛋加多士～常餐
$62
8 瀏覽
0 讚好
0 留言
常餐無黑松露炒蛋，但係都有鮮奶炒蛋，好滑好香，冇咗黑松露味但係鮮奶都令到個蛋嘅香味散發咗出嚟～
牛奶豬骨湯意粉配煎雞扒
$62
14 瀏覽
0 讚好
0 留言
另外跟餐就係牛奶豬骨湯意粉配煎雞扒～唔好睇個湯平平無奇咁，原來佢係加咗自家鮮奶去同豬骨一起煮個湯～飲落去個湯好香滑～仲好重鮮奶味呢～不過我個人覺得呢個常餐係皇牌餐比較之下會遜色一點～不過喜歡清淡一點嘅朋友都可以多一個選擇～算係不錯！
餐飲我哋二個都揀咗熱奶茶！好想試下佢用自家牛奶沖嘅奶茶係咩味～
不得不提，佢個砂糖包前後反轉可以拼成一幅圖～呢個微妙嘅設計都幾有心思～
奶茶飲落好香茶味，唔會苦澀～加上佢用鮮奶沖，非常滑身嘅感覺～食到呢度，我哋二大口又邊夠喉呢，加多一個懷舊炸薯條配黑松露蛋黃醬啦！
懷舊炸薯條配黑松露蛋黃醬
$38
16 瀏覽
0 讚好
0 留言
薯條每條都炸到啱啱好金黃色～熱辣辣上碟，連一大兜黑松露蛋黃醬，呢間冰室應該係主打黑松露吧？薯條炸到外脆內軟～不過有少少淡味，建議加少少鹽去做調味，可以令到個口感更加豐富～加埋黑松露蛋黃醬，完全無違和感～另外值得一讚嘅係佢啲薯條唔係炸到油淋淋～食完之後唔會有好滯嘅感覺～！
呢餐食得非常滿足，侍應話拎返張單一個月內再來食可以有全單88折！我諗我呢一個月內應該會再來！下次要試炸鮮奶！
張貼
