C3

營業中

休息中

經過元朗想搵間嘢食醫下肚，見到呢間嘢42蚊有個意粉食，我心諗＂食個茶記碟頭都42啦，價錢OK喎＂，於是一入戰一戰佢。入面個環境同氣氛就無乜特別啦，我亦都唔期望有啲乜。樓面店員得一位，雖然佢好忙但服務態度良好，抵讚。叫咗個香蒜火腿雞絲意粉，叫完先知原來仲包埋焗蒜容包、餐湯同飲品。雖然唔係咩特別嘢，但呢個價錢包哂呢啲嘢，心入面已經有＂抵食＂呢個評語。再講主菜，主菜係即叫即整，所以等候時間會耐一啲，換嚟嘅係一碟又香又熱嘅鍋炒意粉。香蒜嘅氣味出哂嚟，意粉都夠乾同埋口感唔錯。而且好足料，都有接近半盤嘅火腿同雞絲料，真係抵食得嚟味道都唔錯。我覺得佢真係要加下價，而且都值！