盈小館

營業中

休息中

最近我去元朗探朋友，唔知食咩，就去咗【盈小館】食下午茶。呢間餐廳同一般茶餐廳或冰室唔同，有好多特別嘅食物選擇，真係幾吸引。煙三文魚牛角包：喺茶餐廳入面幾罕見，質素高又好打卡。牛角包外脆內軟，裡面有三塊捲得靚靚嘅煙三文魚，搭配上超creamy嘅炒蛋，口感一流。沙律菜都好新鮮，增添咗清新感。而且可以加$10配即磨咖啡，我叫咗Latte，咖啡香氣十足。金磚四角：呢個其實係西多士，外面炸得金黃酥脆，內裡軟滑，剛炸出嚟嘅時候味道超香，加埋糖漿同牛油更加好味，真係忍唔住一啖接一啖。