炯記餐室

營業中

休息中

餐廳用qr code落單，我當時想叫茶走，但個系統無得揀，就問個女侍應點落。女侍應唔知咩叫茶走，咁啱有男侍應經過，佢好好，話落左單後再同佢講就得。跟住有個侍應呀姐經過，我諗住都一樣啦，就同佢講奶茶想要茶走。個呀姐就話: 「呢度無茶走呀，我哋係用淡奶沖。」我話我知奶茶係淡奶沖，但係茶走係另外加練奶。呀姐繼續話:｢我地係淡奶加糖架！｣最後男待應好無奈話呀姐話呢度無茶走。其實我見到出餐位係有練奶，加上茶餐廳無茶走就唔好開港式茶餐廳啦。同埋聽呀姐講嘢都估佢唔明咩叫茶走。野食就叫左手撕雞撈面同腸粉。腸粉係okay既，撈面個樣都okay，不過真係無味，得個色。手撕雞個味都okay，不過雞皮佔多。