瑞士咖啡室 (已結業)

今日難得放假，約埋閨蜜去灣仔行街，行完街已經3點，係時候醫肚，我地見到附近有一間瑞士咖啡室，就入去食下午茶。我哋坐低冇幾耐，服務員就即刻過來，問我哋要食啲乜嘢，服務態度好。我哋order咗兩個下午茶餐。（1）雞髀和奄列，凍檸蜜（少甜）滷水雞髀好入味，咬落又Juice，唔會鹹，甜甜哋。奄列內有火腿絲，雞蛋炒得滑溜。（2）蛋牛治烘底，熱檸水。牛肉都算多，加埋滑蛋，真心好食，烘底夠脆，非常滿足。整體來說：地方乾淨，價錢合理，服務員態度好。