茶墨 (已結業)

一直都留意到有間台式奶茶店叫茶墨，知道佢嘅出品同一般嘅珍珠奶茶唔同，今日終於久仰大名，到The One分店試試佢嘅獨特口味。店舖呈開放式設計，光猛而開揚。原來呢度除咗有唔同款式嘅飲品之外，仲有售賣Gelato。現場所見有七款唔同口味，而且標明係屬於低脂，啱晒注重健康人士。另外仲有曲奇小食，唔需要買太多嘅份量，適合又為食又怕肥嘅食客淺嘗一下。仲有蛋糕款式，單件或原個嘅蛋糕都有，購買飲品仲可以優惠價品嘗。飲品方面有好多選擇，但當然最出名嘅就係水墨風。水墨風系列包括黑芝麻、芋泥、紫薯同芒果4款口味，每款都唔同配搭，各具特色。最後我選擇了麻糬黑芝麻烏龍鮮奶茶，+$28配富士蘋果芝士蛋糕。飲品果然尤如一幅美麗的水墨畫，啖啖充滿芝麻香味。麻糰粒粒Q彈有口感。配合埋富士蘋果的清甜，真係一個非常出色嘅組合。