CRAPS TABLE (一門町市場)

營業中

休息中

最近聽講荃灣嘅荃新天地二期「一門町市場」會開美食街，入面有各式各樣嘅餐飲同娛樂商店，於是上星期六去開附近就決定都去個邊食下野，點知原來嗰日係開幕嘅第一日～人少少，食得好舒服。嗰日我哋去咗間走文青風格嘅日式餐廳，佢以一啲乾燥花作裝修特色，氛圍好chill，亦都幾岩用嚟做女仔影相打卡嘅背景˃̶͈̀௰˂̶͈✎ 法式黑松露野菌雞卷、海膽醬三文魚籽意大利飯意大利飯味道非常出色，充滿海膽味，口感係我鍾意嘅軟硬程度，唔會太硬，亦都唔會太腍，而且恰當嘅濕潤程度。雞卷入口滑嫩，一啲都唔乾，飄散住淡淡黑松露味。✎ 慢烤西班牙五花腩泡菜水波蛋意大利飯 水波蛋煮到流心嘅，一啲都唔會過熟，口感嫩滑多汁，fresh感十足！泡菜勁辣勁酸˃̵͈̑ᴗ˂̵͈̑五花腩一半肥膏一半肉，十分有咬口，而且都有返咁上下厚身，煮得岩岩好腍度。意大利飯口感偏辣，軟滑而中心保留些少硬度，好味！✎ 綠茶流心布丁伴蛋糕抹茶味香濃，流心狀，伴隨切粒藍莓粒同微酸嘅士多啤梨粒。蛋糕入口鬆軟。雪糕味道係雲呢拿味～✎ Sunrise (Smoothie) 材料有切片香蕉同士多啤梨。香蕉唔腍唔硬，入口冇渣，士多啤梨微酸。整體質感綿滑，濃郁香蕉味，幾好飲。