Deer Kitchen (荃新天地) (已結業)

星期日同朋友約左去荃灣食飯，見到呢間有$10蠔食，決定試下🤭🤭環境都坐得幾舒服，比左sofa位我地坐。4個人叫左兩打蠔，原來佢有限制叫蠔既數量，唔係任叫，感覺唔係好夠！蠔既味道偏咸，$10黎講都數大隻。我地叫左個4人餐$1488+1小食揀左：芒果海蝦沙律，正正常常。焗明太子蟹肉酥盒，個酥皮唔太酥脆。香脆煙肉車打芝士薯條，佢冇左煙肉，薯條熱辣辣。明太子蟹肉扁意粉，味道幾好👍黑松露燒烤菇意大利飯，味道偏淡。焗威靈頓三文魚，三文魚唔會好嚡，味道唔差，但覺得唔係好夾。美國安格期西冷(5成熟），都係正正常常，唔太特別。是日甜品，唔係好明點解四人餐得兩個甜品🧐個餐包埋野飲，普通餐飲，如果要揀特別野飲就半價。