蘭州拉麵店 (已結業)

由於我唔太叻使用筷子食麵的關係，我好少食啲有關湯水的麵條，皆因夾不穩很容易彈回碗或枱上造成浪費甚至失禮。但對於美食向來都有一份執著堅持，只要好味，幾困難我都願意去一試哈。總之為了食呢間我光顧了已經5年有多既刀削麵、拉麵，我已經訓練到使用筷子進步了很多很多了呢。呢間拉麵店共有3間分店，但店名不太一樣，我之前成日都食開果間分店叫「山西刀削麵」，賣的食物3間都一樣。但「山西刀削麵」我幫襯了差不多4年，真的忍無可忍了，啲侍應既態度差到喊出來。佢地果啲差，係有啲傷自尊的差。例如我話左我幫襯了好幾年，經常去食，食到啲侍應一早就認得到我樣子，我唔太鐘意飲呢度啲餐飲，所以唔會加錢叫嚟飲，加上我鐘意食刀削面厚身啲，（啲師傅係即叫即削可以要求厚身啲or薄身啲）所以會落單時講，''刀削面厚身少少，唔要飲野，唔該''啲侍應本身都已經無咩態度了，但自從啲侍應認到樣後，就更過份了，''喔又係你啊，刀削面要厚身吖嘛，唔飲野吖嘛''落完單後大喊向廚房，''又要厚身啲喎'' 啲侍應既語氣唔係大家所諗既好方面，而係真係充滿白眼既感覺，表示我呢個客好麻煩果種。加上其他小事，食得唔太開心雖然鐘意食。幸好 3間分店都在荃灣，之